SOCAR AQŞ yeni rekordlara imza atdı

  • 30/10/2018

    SOCAR AQŞ bu günlərdə milli qazma sənayesində yeniliyə imza atıb. 3000 at gücünə malik olan Drillmec HP yeni nəsil qazma avadanlığından uğurla istifadə edən müəssisə “Bulla” yatağının 6 saylı dəniz stasionar özülündə 113 nömrəli quyuda ağır çəkili aralıq kəmərinin birdəfəyə endirmək cəhdini uğurla həyata keçirib. Belə ki, ümumi çəkisi havada 546 ton olan ikinci aralıq kəmərin 5093 m dərinliyə, çəkisi 393 ton olan texniki kəmərin isə 5619 m dərinliyə birdəfəyə endirilməsi və sementlənməsi uğurla həyata keçirilib.

    Baş direktorun müavini, Baş geoloq İftixar Qasımov bildirib: “Hal-hazırda 113 saylı quyuda qazma işləri 5620 m dərinliyində davam etdirilir. Qazma işləri “Bulla” yatağı üçün ən məhsuldar sayılan VII horizontu tam bağlamaqla davam etdiriləcək və quyruq kəməri endirilərək sementlənəcəkdir. Layihəyə əsasən 113 nömrəli istismar quyusu VIII horizontu açmaqla tamamlanacaq və istismara veriləcəkdir. Xəzər dənizinin Azərbaycan sektorunda yüksək təzyiqli və temperaturlu quyuların qazılması zamanı və o cümlədən, “Bulla” yatağı üzrə V və VII horizontlardan beynəlxalq standartlara cavab verən süxur nümunələrinin götürülməsini ilk dəfə olaraq SOCAR AQŞ həyata keçirmişdir. Əminəm ki, görülən işlər nəticə etibarı ilə respublikamızın qazma sənayesinin inkişafında yeni səhifə açacaqdır!”.

    Qeyd edək ki, milli qazma sənayesində ilk dəfə olaraq  SOCAR AQŞ 2017-ci ildə “Bulla” yatağının 6 saylı dəniz stasionar özülündən qazılan 78 nömrəli axtarış quyusunun tikintisi zamanı dərin quyularda qoruyucu kəmərin iki mərhələdə endirilməsi ənənəsinə son qoymuşdur.

AZƏRBAYCAN QAZMA SƏNAYESİNDƏ İLK DƏFƏ

Vipstok texnologiyasının tətbiqi

Dayazsulu Günəşli yatağında ilk dəfə olaraq müasir vipstok texnologiyası istifadə edilərək 13 saylı DDSÖ-də qəzanı aradan qaldırmaq məqsədilə rotor üsulu ilə mövcud qazma lüləsindən yan lülə qazılmışdır.

daha ətraflı

Qabaqcıl Texnologiyaların Uğurlu Tətbiqi

SOCAR AQŞ BP Azərbaycan şirkətinin elan etdiyi Sahibkarlığın İnkişafı Mükafatı 2015 müsabiqəsində İLİN ŞİRKƏTİ Mükafatına layiq görülmüşdür.

daha ətraflı