SOCAR-AQŞ növbəti dəfə Karyera Sərgisində iştirak edib

  • 29/05/2017

    27 may 2017-ci ildə Azərbaycan Dövlət Neft və Sənaye Universitetində  II-ci Məzun-Karyera Sərgisi keçirilib. Sərgidə 56 şirkət, 1500-ə yaxın tələbə və məzun iştirak edib.

    Bu dəfəki sərgidə müəssisəmizi İnsan Resursları şöbəsinin məsul əməkdaşları Mehriban Məmmədova və Nəsibə Şərifzadə təmsil ediblər. Əməkdaşlarımız müəssisədə mövcud olan vakansiyalar və Yay İstehsalat Təcrübə Proqramı barəsində sərgi iştirakçılarını məlumatlandırıblar.

    Qeyd edək ki, SOCAR-AQŞ son illər ərzində mütəmadi olaraq təhsil müəssisələri tərəfindən təşkil olunan  Karyera Günlərində fəal iştirak edir.  Bu cür tədbirlər zamanı müəssisədə işləmək istəyən istedadlı gənclərlə görüşlər keçirilir, SOCAR-AQŞ-nin fəaliyyəti və iş prinsipləri barəsində iştirakçılara ətraflı məlumat verilir.

    Məlumat üçün bildirək ki, SOCAR-AQŞ 2015-ci ildə Azərbaycan Dövlət Neft və Sənaye Universiteti ilə əməkdaşlıq haqqında memorandum imzalayıb. Bu memoranduma əsasən tərəflər arasında elmi-texniki və tədris sahəsində təcrübə mübadiləsi aparılır, əməkdaşların ixtisas səviyyələrinin artırılması məqsədilə kurslar təşkil olunur. Neft-qaz mühəndisliyi ixtisası üzrə təhsil alan və müəssisənin müvafiq tələblərinə cavab verən tələbələr SOCAR-AQŞ-nin Tələbə Təqaüdü Müsabiqəsində iştirak etmək imkanı əldə edirlər.  

AZƏRBAYCAN QAZMA SƏNAYESİNDƏ İLK DƏFƏ

Vipstok texnologiyasının tətbiqi

Dayazsulu Günəşli yatağında ilk dəfə olaraq müasir vipstok texnologiyası istifadə edilərək 13 saylı DDSÖ-də qəzanı aradan qaldırmaq məqsədilə rotor üsulu ilə mövcud qazma lüləsindən yan lülə qazılmışdır.

daha ətraflı

Qabaqcıl Texnologiyaların Uğurlu Tətbiqi

SOCAR AQŞ BP Azərbaycan şirkətinin elan etdiyi Sahibkarlığın İnkişafı Mükafatı 2015 müsabiqəsində İLİN ŞİRKƏTİ Mükafatına layiq görülmüşdür.

daha ətraflı