SOCAR-AQŞ Amerika Neft İnstitutunun API Spec Q2 sertifikatına layiq görülmüşdür

  • 01/06/2017

    Məlumat üçün bildiririk ki, 23 may 2017-ci il tarixində SOCAR-AQŞ Azərbaycanda fəaliyyət göstərən qazma müəssisələri arasında ilk olaraq API komitəsi tərəfindən API Spec Q2 sertifikatına layiq görülmüşdür. Bu nailiyyət müəssisəmiz üçün böyük əhəmiyyət kəsb edir və gələcək inkişafımız istiqamətində yeni imkanlar yaradır.

    Qeyd edək ki, Amerika Neft İnstitutu (API) 1924-cü ildən etibarən dünya miqyasında neft və qaz sənayesinə aid olan standartların yaradılması və tətbiqi sahəsində aparıcı rol oynayır. API-ın neft-qaz sənayesinin bütün seqmentlərində fəaliyyət göstərən 600-dən çox korporativ üzvü var.

    SOCAR-AQŞ 2015-ci ilin aprel ayından etibarən müəssisədə API Spec Q2 standartının tətbiqi və sertifikatlaşdırılması layihəsinə start vermişdir. Keyfiyyət İdarəetmə Sistemi üzrə tətbiq edilən bu standart neft və qaz sənayesində xidmət göstərən müəssisələr üçün tələbləri müəyyənləşdirir.

    Müəssisənin İdarəetmə Sistemləri şöbəsinin müdiri Zaur Fərzəliyev bildirib ki, SOCAR-AQŞ API Spec Q2 sertifikatına layiq görülməklə yeni inkişaf mərhələsinə qədəm qoyub. “Standartın tətbiqi ilə bağlı işçi heyətimiz əzmlə çalışıb. Müəssisədə həyata keçirilən bütün prosesləri standartın tələblərinə uyğun hazırlamağa müvəffəq olduq və API auditorlarının həyata keçirdiyi 2 mərhələli yoxlamalardan uğurla keçdik.

    Sevindirici haldır ki, milli qazma müəssisələri arasında ilkə imza ataraq müvafiq sertifikata layiq görüldük. SOCAR-AQŞ-nin bu uğuru beynəlxalq bazarlara çıxış imkanımızı artırmaqla bərabər rəqabətədavamlılıq göstəricimizi daha da yüksəldir.

    Əsas işimiz standartın tətbiqi ilə yanaşı onu işlək vəziyyətdə saxlamaq və davamlı təkmilləşdirmək olacaq’’.

AZƏRBAYCAN QAZMA SƏNAYESİNDƏ İLK DƏFƏ

Kerna nümunələrinin götürülməsi

Günəşli yatağında 11 və 13 saylı DDSÖ-lərdən yeni texnologiyanın tətbiqi ilə kerna nümunələri götürülmüşdür.

daha ətraflı

Vipstok texnologiyasının tətbiqi

Dayazsulu Günəşli yatağında ilk dəfə olaraq müasir vipstok texnologiyası istifadə edilərək 13 saylı DDSÖ-də qəzanı aradan qaldırmaq məqsədilə rotor üsulu ilə mövcud qazma lüləsindən yan lülə qazılmışdır.

daha ətraflı